Beint á efnisyfirlit síðunnar
5. október 2009

Námsstyrkir til blindra og sjónskertra stúdenta í HÍ

Ákveðið hefur verið að veita styrk úr Þórsteinssjóði á árinu 2009.

Tilgangur Þórsteinssjóðs er að styrkja blinda og sjónskerta stúdenta til náms við Háskóla Íslands og efla rannsóknir á fræðasviðum sem aukið geta þekkingu á blindu og skertri sýn, einkum í félags- og hugvísindum.

Umsóknarfrestur er til 1. nóvember 2009.

Veittir verða námsstyrkir til blindra og sjónskertra stúdenta sem stunda nám eða hyggja á námvið HÍ. Styrkurinn er fyrir háskólaárið 2009–2010. Heildarfjárhæð úthlutaðra styrkja er 1.000.000 kr.

Í umsókninni þarf eftirfarandi að koma fram:

  • Nafn umsækjanda, kennitala, heimilisfang, sími og virkt netfang.
  • Helstu atriði úr náms- og/eða starfsferli umsækjanda.
  • Hvaða nám viðkomandi stundar eða hyggst stunda við Háskóla Íslands.
  • Upplýsingar um námsferil og námsárangur í framhaldsskóla eða háskóla eftir því sem við á.
  • Meðmæli frá kennurum og/eða atvinnurekendum.
  • Áætlun um námsframvindu.
  • Hámarkslengd umsóknar eru þrjár síður. Farið er með allar umsóknir sem trúnaðarmál. Stjórnin áskilur sér rétt til að veita fleiri en einum umsækjanda styrk, hafna öllum og/eða úthluta með öðrum hætti. Umsóknum skal skila sem viðhengi á netfang Styrktarsjóða Háskóla Íslands, sjodir@hi.is.
  • Áætlað er að úthlutun styrkja fari fram fimmtudaginn 3. desember 2009 við hátíðlega athöfn í Háskóla Íslands.

Frekari upplýsingar um styrkveitingu og úthlutun er að finna á heimasíðu Háskóla Íslands, www.hi.is. Einnig hjá Helgu Brá Árnadóttur, verkefnisstjóra styrktarsjóða og hollvina, helgab@hi.is, sími 525 5894.

Þórsteinssjóður var stofnaður við Háskóla Íslands 6. desember 2006 af Blindravinafélagi Íslands, til minningar um Þórstein Bjarnason, stofnanda Blindravinafélagsins. Tilgangur Þórsteinssjóðs helgast af æviverki Þórsteins, að efla líf blindra og sjónskertra á Íslandi.

Til baka