Beint á efnisyfirlit síðunnar
21. mars 2013

Upplýsingar um vefvarp

Hvað er vefvarp?

Vefvarp er talandi fjölmiðlun fyrir blinda- og sjónskerta og er verkefni á vegum Blindrafélagsins. Verkefnið miðar að því að opna í gegnum nettengingu valfrjálsan aðgang að upplýsingum og efni fjölmiðla. Í dag er þetta efni að miklu leyti óaðgengilegt eldra blindu og sjónskertu fólki sem ekki er vel tölvulæst.

Vefvarpstækið er einfaldur, talandi, gagnvirkur og auðstýranlegur nettengdur Daisy móttakari (Digital Accessible Information System).

Vefvarpið notast við nýja íslenska talgervilinn.

Síminn hjá Blindrafélaginu er 525 0000.

Hverjir geta fengið vefvarp?

Vefvarpinu er dreift í gegnum Þjónustu- og þekkingarmiðstöð fyrir blinda, sjónskerta og daufblinda einstaklinga sem hjálpartæki án endurgjalds til þeirra sem komnir eru undir tiltekin sjónskerðingarmörk. Þjónustu- og þekkingarmiðstöð er staðsett í Hamrahlíð 17 á 5. hæð.

Þeir sem ekki uppfylla skilyrði um gjaldfrjálsa úthlutun eiga þess kost að leigja vefvarpstæki og fá að gang að þjónustunni gegn vægu gjaldi. Frekari upplýsingar fást hjá Blindrafélaginu. Blindrafélagið er staðsett í Hamrahlíð 17 á 1. hæð.

Hvað er hægt að hlusta á í gegnum vefvarp?

Meðal þess sem hægt er að bjóða í gegnum vefvarpið er:

  • lestur sjónvarpstexta og sjónlýsinga
  • lestur dagblaða sama dag og þau koma út
  • lestur tímarita
  • hljóðbækur
  • tilkynningar frá þjónustu- og hagsmunaaðilum
  • útvarpsstöðvar um allan heim
  • upplýsingar um sjónvarps- og útvarpsdagskrárliði
  • efni úr hlaðvarpi (podcast)

Efni sem hægt er að hlusta á í gegnum vefvarpið er mjög fjölbreytt. Sumt er hægt að gera aðgengilegt án mikillar fyrirhafnar meðan annað krefst nokkurs undirbúnings og samstarfs við eigendur efnisins.

Leiðbeiningar um notkun vefvarps (PDF)

Mynd af vefvarpstæki

Til baka