Beint á efnisyfirlit síðunnar
5. febrúar 2014

Daniel Kish á Íslandi 17. – 19 mars

Dagana 17. – 19 mars n.k. mun Daniel Kish verða hér á landi í boði Blindrafélagsins og Þjónustu- og þekkingarmiðstöðvar fyrir blinda, sjónskerta og daufblinda einstaklinga. 

Daniel hefur þróað með sér hlustun til að átta sig í umhverfinu en hann missti sjónina þegar hann var þrettán mánaða. Daniel er stofnandi og framkvæmdastjóri World Access for the Blind sem er með höfuðstöðvar sínar í San Fransisco í Kaliforníu.  Hann er með Masters gráðu í þroskasálfræði og sérkennslufræðum svo og gráðu í áttun og umferli.

Undanfarin ár hefur Daniel ferðast um heiminn til að kynna aðferðir sínar, hann var á Íslandi í júní á síðasta ári þar sem hann vann með blindum og sjónskertum einstaklingum svo og fagfólki.

Þeir sem hafa áhuga á að hitta Daniel eru vinsamlega beðnir um að hafa samband við Völu Jónu Garðarsdóttur hjá Þjónustu- og þekkingarmiðstöð í síma 545-5800 eða senda póst á vala@midstod.is


Til baka