Beint á efnisyfirlit síðunnar
30. október 2015

Hvað gerir félagsráðgjafi?

Á Miðstöðinni er starfandi félagsráðgjafi. Notendur Miðstöðvarinnar og aðstandendur þeirra geta leitað til félagsráðgjafa Miðstöðvarinnar sér að kostnaðarlausu.

Félagsráðgjafi starfar eftir siðareglum félagsráðgjafa þar sem „markmið félagsráðgjafar er að vinna að lausn félagslegra og persónulegra vandamála og sporna við félagslegu ranglæti”.

Einstaklingar búa við misjafnar félagslegar aðstæður og getur félagsleg staða fólks breyst á skömmum tíma. Félagsleg staða getur tengst atvinnu, menntun, búsetu, fjármálum, samskiptum, fjölskyldu, og fleira.

Hvað gerir félagsráðgjafi?
  • Metur félagslega stöðu með tilliti til samfélagslegra úrræða.
  • Veitir stuðning og ráðgjöf vegna félagslegra aðstæðna
  • Veitir upplýsingar um samfélagsleg úrræði og aðstoðar við umsóknarferli sé þess óskað.
  • Er tengiliður við ýmsar stofnanir (t.d. félagsþjónustur sveitarfélaga, Trygginga-stofnun ríkisins, einkaaðila o.fl).
Dæmi um samfélagsleg úrræði sem félagsráðgjafar veita upplýsingar um:
  • Veikindaréttindi í starfi, örorkulífeyrir, umönnunargreiðslur, foreldragreiðslur, lækkun á tekjuskatti, styrkir.
  • Heimaþjónusta, liðveisla, NPA, stuðningsfjölskyldur, ferðakostnaður, akstursþjónusta, beiðni um forgang á leikskóla.
  • Búseta, þjónustuíbúðir, hjúkrunarheimili, hvíldarinnlagnir, félagsstarf, dagvistun.
Samstarf félagsráðgjafa og notenda Miðstöðvarinnar og/eða aðstandenda þeirra fara meðal annars fram:
  • Í einstaklings, para eða fjölskylduviðtölum
  • Vitjunum
  • Í gegnum síma/tölvupóst
  • Á teymisfundum
Hvernig er leitað til félagsráðgjafa?

Notendur Miðstöðvarinnar og aðstandendur þeirra geta pantað tíma eða haft samband við félagsráðgjafa Miðstöðvarinnar í síma 545-5800.

Til baka