Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu

Beint á efnisyfirlit síðunnar
29. janúar 2018

Print3d - evrópuverkefni


Þjónustu- og þekkingarmiðstöð er þátttakandi í Evrópuverkefninu Print3d.
Verkefnið fékk Erasmus+ styrk frá Evrópusambandinu og verður í gangi fram í september 2019. 

Tilgangur verkefnisins er að þróa kennsluleiðir varðandi þrívíddarprentun, með sérstakri áherslu á kortagerð.

Fyrsti fundurinn var haldinn 26. og 27. október hér á Íslandi og næsti fundur verður í mars í Grikklandi.

Þátttakendurnir í Print3d koma úr ýmsum áttum. Það er mennta- og menningarmálastofnun Valencia héraðs á Spáni sem leiðir verkefnið. Frá Spáni kemur líka fyrirtækið BQ sem framleiðir m.a. þrívíddarprentara og farsíma. Frá Grikklandi kemur CERB, Centre of education and rehabilition for the blind sem er þjónustumiðstöð fyrir blinda og sjónskerta líkt og við. Frá Lettlandi kemur Look at me sem er einkafyrirtæki sem þjónustar blinda og sjónskerta. Einnig taka þátt fimm grunnskólar frá Spáni og Grikklandi.

Stærsta hlutverk okkar á Miðstöðinni í þessu verkefni er að búa til kennslubók og leiðbeiningahefti um þrívíddarprentun bæði fyrir kennara og nemendur.
 
Hægt er að fylgjast með verkefninu á Twitter undir nafninu Erasmus Print3d og Facebook undir Erasmus Printed.
Heimasíða verkefnisins er einnig væntanlega innan skamms.


Til baka