Daniel Kish á Íslandi

Dagana 11. – 15. september 2022 verður Daniel Kish á Íslandi í boði Blindrafélagsins.
Daniel Kish er framkvæmdastjóri World Access for the Blind og talsmaður þess að blindir einstaklingar skilgreini eigin markmið og upplifi árangur. Með skipulagðri þjálfun í hlustun, sem hann kallar flass sónar (flash sonar) eða endurkast hljóðs gefst blindum einstaklingum tækifæri til að auka öryggi sitt og sjálfstæði. 

Í tengslum við heimsókn hans verða kynningar og námskeið, bæði í litlum hópum og einstaklingsmiðuð. 

Dagskráin er eftirfarandi: 

Sunnudagur 11. september:
Kl. 11:00-12:30: Fyrirlestur „Leiðin til sjálfstæðis“ sem er opinn fyrir alla félagsmenn Blindrafélagsins og aðra áhugasama.
Matur er í boði Blindrafélagsins. Skráning á fyrirlestur og hádegimat hjá Blindrafélaginu.
Eftir hádegi eru skipulagðir tímar með leiðsöguhundanotendum.  

Mánudagur og þriðjudagur 12 og 13. september
Kl. 9:00-12:00: Einstaklingstímar fyrir fullorðna sem hafa áhuga á að nýta sér endurkast hljóðs í umferli.
Skráning hjá Sjónstöð í síma 545-5800 eða á netfangið rannveig.traustadottir@midstod.is .

Öðrum tímum verður ráðstafað fyrir fræðslu og ráðgjöf til barna, aðstandenda og starfsfólks skóla. 

Dagskráin er sett fram með fyrirvara um breytingar sem kunna að verða.
Fyrir þá sem vilja kynnar sér frekar aðferðir Daniels bendum við á heimasíðuna https://visioneers.org/ .

Fyrir frekari upplýsingar má senda á eftirfarandi: 
Rannveig Traustadóttir rannveig.traustadottir@midstod.is  eða Vala Jóna Garðarsdóttir vala.gardarsdottir@midstod.is  (Sjónstöðin)
Hlynur Þór Agnarsson blind@blind.is  (Blindrafélagið).