Sjónstöðin vill vekja athygli á því að dagana 9. – 11. júní n.k. verður á Íslandi haldin alþjóðleg ráðstefna RIWC2022 um sjónhimnusjúkdóma, og laugardaginn 11. júní verður opin málstofa á íslensku um arfgenga hrörnunarsjúkdóma í sjónhimnu. Á ráðstefnunni verður fjallað um það nýjasta sem er að gerast í rannsóknum og meðferðartilraunum á arfgengum hrörnunarsjúkdómum í sjónhimnu.
Sjúkdómarnir sem um ræðir eru meðal annars aldurstengd hrörnun í augnbotnum (A.M.D.), Leber’s congenital amaurosis (L.C.A.), Stargardt disease, Retinitis pigmentosa (R.P.), Usher syndrome o.fl. en þessir augnsjúkdómar eru orsakavaldar á bilinu um 80% alvarlegrar sjónskerðingar og blindu í okkar heimshluta.
Opin málstofa laugardaginn 11. júní klukkan 14:00.
Í tengslum við ráðstefnuna verður haldin sérstök málstofa á íslensku n.k. laugardag, þar sem greint verður frá því helsta sem er að gerast í rannsóknum á arfgengum hrörnunarsjúkdómum og sjónum beint að samhenginu við stöðuna hér á landi.
Eftirfarandi fyrirlestrar verða á málstofunni:
- Hvað er efst á baugi í rannsóknum og meðferð arfgengra sjónhimnusjúkdóma,
dr. Ragnheiður Bragadóttir, Ulleval háskólasjúkrahúsinu Osló. - Greining og skráning arfgengra sjónhimnusjúkdóma á Íslandi.
dr. Jón Jóhannes Jónsson, Landspítalnum háskólasjúkrahúsi. - Staðan á Íslandi.
Elva Dögg Jóhannesdóttir, augnlæknir hjá Sjónstöðinni. - Hvernig getum við með arfgenga sjónhimnusjúkdóma verið með í rannsóknum.
Helgi Hjörvar frá Blindrafélaginu.
Málstofan hefst klukkan 14:00 í sal Edition hótelsins við hliðina á Hörpu og er öllum opin. Aðgangur að málstofunni er gjaldfrjáls og óþarft að skrá sig fyrirfram.
Um ráðstefnuna á vef Blindrafélagsins.
Um viðburðinn á Facebook.