Í snjalltækjunum er bakgrunnurinn/veggfóðrið oft einhver mynd eða mynstur. Sumum hentar betur að vera með einlitan bakgrunn sem getur aukið andstæður í litum á táknunum fyrir smáforritin.
Hér er PDF-skjal með símaskjáskotum til útskýringar.
Aðferð:
- Farðu inn í Stillingar á símanum og leitaðu þar að Veggfóður og stíll.
- Þar er farið neðst á síðuna í Skoða fleiri veggfóður
- Þar þarf svo að leita eftir þeim lit sem maður vill, t.d. black solid eða white solid, og hlaða því niður. Kemur oftast sem fyrsti valmöguleiki. Smelltu á myndina og í næsta glugga smellirðu á sækja.
- Síðan er hægt að velja hvort nota eigi bakgrunninn fyrir Lásskjá (myndin sem kemur upp þegar kveikt er á skjánum), Heimaskjá (myndin með forritunum) eða bæði fyrir Lásskjá og Heimaskjá.