Líkt og undanfarin misseri þá stendur blindum og sjónskertum til boða regluleg hópþjálfun undir handleiðslu sjúkraþjálfara. Þjálfunin fer fram hjá Afli sjúkraþjálfun og er í samstarfi við Þjónustu- og þekkingamiðstöð.
Í þjálfuninni er leitast við að bæta líkamlegan styrk og auka úthald þátttakenda. Þátttakendur fylgja áætlun sem sniðin er að þörfum hvers og eins.
Í þjálfuninni er miðað að því að:
- bæta grunnþol.
- auka styrk.
- auka liðleika.
- bæta jafnvægi.
- bæta líkamsstöðu og líkamsbeitingu.
- kenna spennulosun.
Tímasetning:
Hópur 1: 23. september-16. desember, mánudagar og miðvikudagar kl. 11:15 – 12:15.
Hópur 2: 24. september-17. desember, þriðjudagar og föstudagar kl. 8:15 – 9:15.
Sjúkraþjálfari: Ásdís Árnadóttir.
Staðsetning: Afl sjúkraþjálfun, Borgartúni 6 (Rúgbrauðsgerðin).
Hámarksfjöldi í hvorn hóp er 5.
Lágmarksaldur: 18 ára.
Námskeiðsgjald: Sjúkratryggingar Íslands greiða hluta af gjaldi hvers þátttakanda, en þátttakendur greiða sjálfir það sem á vantar. Upplýsingar um greiðslu einstaklinga má fá með því að senda tölvupóst til afl@aflid.is eða í síma 511-4111.
Skráning er til 17.september.
Skráning fer fram hjá Afli sjúkraþjálfun í síma 511 4111 eða afl@aflid.is.