Alþjóðlegi sjónverndardagurinn er annar fimmtudagur í október ár hvert.
Tilgangurinn dagsins er að beina athygli almennings út um allan heim að
blindu og sjónskerðingu, endurhæfingu blindra og sjónskertra og vörnum
gegn sjónmissi.
Í tilefni af alþjóðlega sjónverndardeginum viljum við benda á nauðsyn þess að fara reglulega til augnlæknis og í augnskoðun. Margir augnsjúkdómar, sérstaklega hjá eldra fólki, geta ágerst hratt og án einkenna og því nauðsynlegt að fara í reglulegt eftirlit og skoðun.
Miðstöðin lét útbúa spjald með góðum ráðum til að hlúa vel að sjóninni sem nauðsynlegt er að skoða og fara eftir.
Á heimasíðu Miðstöðvarinnar má finna mikinn fróðleik um allt sem viðkemur sjón og sjónskerðingu.