Þjónustu- og þekkingarmiðstöð fyrir blinda, sjónskerta og daufblinda einstaklinga og Heyrnar- og talmeinastöð Íslands bjóða starfsmönnum öldrunarstofnana til fræðslu.
Langar þig að vita
- hvað gerist þegar einstaklingar missa sjón eða heyrn?
- hver eru áhrif heyrnarskerðingar og sjónskerðingar á daglegt líf fólks?
- hvernig er best að hátta daglegri umgengi og samskiptum við einstaklinga með sjón- eða heyrnarskerðingu?
- hvernig er hægt að laga umhverfið að þörfum einstaklinga með sjónskerðingu, heyrnarskerðingu eða daufblindu?
- hvaða gagn gera hjálpartæki?
- hvernig er best að umgangast og hirða um hjálpartækin?
Þú getur fengið svör við þessum spurningum og rætt við sérfræðinga um ýmislegt er varðar heyrnar- og sjónskerðingu þann 15. nóvember n.k. að Hamrahlíð 17, Reykjavík kl. 13:00 – 16:00, þér að kostnaðarlausu.
Skráning fer fram hjá Þjónustu- og þekkingarmiðstöð í síma 545-5800, með tölvupósti www.midstod@midstod.is eða hjá Heyrnar- og talmeinastöð í síma 581-3855, með tölvupósti hti@hti.is .
Vinsamlega skráið þátttöku fyrir 10. nóvember.